Дизайнер баламен бірге өсетін киім шығарды

Британдық дизайнер Райан Ясин балаларға арналған өзгеше киім ойлап тапты. Оның тіккен киімдері баламен бірге өсіп отырады.

Киім тігу

Дизайнер аталған киімді тігу үшін матаның ерекше түрін қолданған. Бұл мата баланың өсуіне қарай ені мен ұзындығы бойынша созылып отырады және арнайы матадан тігілген киім автоматты машинада жууға төзімді және қайтадан тігуге де қолайлы.

Әзірге Райан Ясин 3 айдан бастап 3 жасқа дейінгі балаларға арнап киімдер тігіп жатқанын айтады.

Оның айтуынша, бұл киімдер ата-аналардың қаржысын үнемдейді.