«Қажылық миссиясындағы өкілдеріміз өз міндеттерін жақсы орындауда. Мединадағы топ мүшелері бір-бірімен ортақ байланыс жүйесі арқылы хабарласа алады. 17 турфирмаға бекітілген 17 дәрігер қажылардың денсаулығын жіті қадағалауда», — деп атап өтті Қажылық миссиясының жетекшісі Бейбіт Мырзагелдиев.
Кеше Қазақстан мұсылмандары діни басқармасының өкілдері қажылар орналасқан қонақ үйлерді аралап, уағыз айтып, жерлестеріміздің жағдайымен танысқан болатын. Сонымен қатар, ҚМДБ-ның турфирмаларға қойған талаптарының орындалу барысы да тексерілді.
