«Оңай» жүйесіне келетін болсақ, неліктен бізге ашықтық қажет болды?! Компаниялар, жүргізушілер келісіп отыр. Онда тіпті қылмыстық топтар да бар. Олар, белгілі болғанындай, ақша жинап отырған. Қазір осы мәселені шешіп жатырмыз. Ашықтық жоқ жерде жемқорлық дамиды. Елбасы айтқандай, жемқорлыққа біз қатаң шаралар жасауымыз қажет және Алматы қаласы осы мәселеде үлгі көрсетуі тиіс. Себебі Алматы дамуының бір ғана резерві ол 5 институционалды реформаны жүзеге асыру. Егер біз сол 8 заңды енгізетін болсақ, жергілікті мемлекеттік органдар керек емес анықтама қағаздарын ойлап табуды доғарып, проблема шығарып, оны шешумен айналыспайтын болады. Сол кезде барлығы жақсы болады деп санаймын», — деді ол.
