Көп ретте жасөспірімдер өздерінен үлкен адамдармен әлеуметтік желі арқылы танысады екен. Артынша олардың арбауына түсіп, тұрмысқа шығуға дейін барады. Өткен жылы кәмелетке толмаған қыздардың ерте ересек өмірге араласуының 33 айғағы, биылдың өзінде төрт дерек анықталған.
ИНДИРА СЕЙІТҚАСЫМОВА, Ақтөбе облыстық прокуратурасының аға прокуроры:
— Шалқар қаласында осындай жағдай анықталды. Екі жақ татуласу арқылы кәмелетке толмаған жанның құқығына қол сұғушылық 122 бап бойынша жасалған, яғни жасөспірім қыз өз еркімен барған ондай жыныстық қарым -қатынасқа. Тараптар татуласқандықтан қылмыстық іс қысқартылды.