«Қазақстан Республикасының Ұлттық банкі басқармасының «Қазақстан Халық жинақ банкі» акционерлік қоғамына «Қазкоммерцбанк» акционерлік қоғамының еншілес ұйымына иелік етуге рұқсат беру туралы» 2017 жылғы 12 маусымдағы № 98 қаулысы қабылданды», — делінген Ұлттық банк сайтындағы ресми ақпаратта. Сонымен қатар, Халық банкіне Қазкоммерцбанктің банк холдингі мәртебесін иеленуге келісім беру туралы да қаулы қабылданған.
Ресми құжатта: «Қазақстан Республикасының Ұлттық банкі басқармасының «Қазақстан Халық жинақ банкі» акционерлік қоғамына «Қазкоммерцбанк» акционерлік қоғамының банк холдингі мәртебесін иеленуге келісім беру туралы» 2017 жылғы 12 маусымдағы № 99 қаулысы қабылданды», — деп жазылған.
Қазақстан халық банкінің клиенттік базасы 7,4 млн адамды, ал белсенді клиенттері 70 процентті құрайды. 2017 жылдың 1 тоқсанының қорытындысында «Халық банкі» мен «Қазкоммерцбанк» Қазақстанның 33 банктері арасында активтерінің көлемі бойынша 1 және 2-орынды иеленді. Халық банкінің таза кірісі 38,5 млрд. теңгеге жетіп отыр. Бұл өткен жылдың сәйкес кезеңіндегі кірістен 68 процентке артық.