Қазақстан мен Қытай автотасымалдың рұқсат бланкісін шектеусіз алмасуға келісті 

Бейжіңде Халықаралық автомобиль тасымалдары жөніндегі Қазақстан-Қытай бірлескен комитетінің отырысы өтті. Онда Қазақстан мен Қытай арасындағы халықаралық автомобиль тасымалын дамытуға қатысты мәселелерді талқыланған. Мұны Baribar.kz хабарлап отыр.

Көлік министрлігінің ақпаратына қарағанда, Қазақстан мен Қытай жыл соңына дейін шетелдік рұқсат бланкілерін шектеусіз беру форматына көшуге келісті.

Бұдан бөлек, 2026 жылдың бірінші жартыжылдығы соңына дейін WeChat Pay төлем сервисі арқылы ақылы автомобиль жолдарында жол жүру ақысын төлеу функционалын енгізу жоспарланып жатыр, — делінген министрлік ақпаратында.