Қазгидромет 29 сәуірде болатын дауылды ескертті. Бұл туралы Baribar.kz хабарлап отыр.
29 сәуірде Батыс Қазақстан облысына жаңбыр жауып, тұман түседі. Түнде облыстың шығысы мен солтүстігінде температура 3 градусқа дейін төмендеп, үсік жүреді.
Маңғыстау облысында жаңбыр жауып, найзағай ойнайды. Тұман түсіп, бұршақ жауады.
Ақтөбе облысына тұман түседі. Облыстың батысы мен солтүстігінде температура 2 градусқа дейін төмендеп, үсік жүреді.
Солтүстік Қазақстан облысында жаңбыр жауып, найзағай ойнайды, тұман түседі. Өрт қаупі жоғары болуы мүмкін.
Ақмола облысына да жаңбыр жауып, найзағай ойнайды. Түнде облыстың шығысында температура 1 градусқа дейін төмендеп, үсік жүреді.
Жамбыл, Түркістан, Қостанай облыстарында да жаңбыр жауып, найзағай ойнайды.
Павлодар облысының шығысындағы температура 1 градусқа дейін төмендеп, үсік жүреді.
Жетісу облысының кей жерінде жылдамғы секундына 25 метрге дейін жел соғады, өрт қаупі әлі де бар.
Абай мен Шығыс Қазақстан облысында түндегі температура 2-3 градусқа дейін төмендеп, үсік жүреді. Жел 15-20 метр/сек жылдамдықпен соғады.
Қызылорда мен Атырау облыстарында өрт қаупі жоғары болуы мүмкін.
Қарағанды облысында жел 15-20 метр/сек жылдамдықпен соғады. Түнде облыстың шығысындағы температура 1 градусқа дейін төмендеп, үсік жүреді.
