Қазақстанда Coca-Cola Belesteri кәсіпкерлердің табысын арттырып жатыр. Жоба аясында оқыту, акселерация және гранттық қолдау біріктіріліп, кәсіпкерлер үшін тұрақты даму экожүйесі қалыптастырылған. Бұл туралы Baribar.kz хабарлап отыр.
Мыңдаған кәсіпкерге мүмкіндік
Coca-Cola Belesteri елімізде шағын және орта бизнесті дамытуға бағытталған тиімді бастамалардың бірі ретінде өз мәртебесін нығайтып келеді. Бағдарлама жүзеге асқан уақыт ішінде 150 мыңнан астам адам білім алып, 10 мыңнан аса кәсіпорын ашылып, 13 мыңнан астам жаңа жұмыс орны құрылған.
Жобаның маңызды бағыттарының бірі – жұмыс істеп тұрған бизнесті кеңейтуге арналған Business Turar акселераторы. Оның екінші кезеңі 2026 жылғы қаңтар-наурыз айлары аралығында өтіп, 351 өтінімнің ішінен 200 қатысушы іріктелді. Нәтижесінде 88 кәсіпкер бағдарламаны сәтті аяқтады.
138 млн теңге табыс
Акселератор нақты нәтижелер көрсетті: қатысушылардың 62%-ы жалпы сомасы 138 миллион теңге болатын табыс өсіміне қол жеткізген. Сонымен қатар 30 кәсіпкер 37 миллион теңге инвестиция тартса, түлектердің 37%-ы 70-тен астам жаңа жұмыс орнын ашқан. Ал қатысушылардың үштен бірі бизнес бағыттарын кеңейтіп, жаңа өнімдер енгізген.
Бағдарлама барысында барлық қатысушы онлайн ілгерілету мен бизнесті автоматтандыру құралдарын меңгерген. Бұл олардың басқару тәсілдерін жетілдіріп, бизнестің тұрақтылығын арттыруға мүмкіндік берген.
2026 жылғы 26 наурызда өткен қорытынды онлайн кездесуде Қазақстандағы Бизнес-тренерлер қауымдастығымен бірлесіп, ең үздік 12 кәсіпкер марапатталды. Жеңімпаздар сарапшылардан жеке кеңес алу және Talpyn Club қауымдастығына қосылу мүмкіндігіне ие болды.
Қазіргі таңда кәсіп бастағысы немесе дамытқысы келетіндер үшін жоба аясында Business Qymyz және Business Orken білім беру бағдарламалары қолжетімді. Олар кәсіпкерлерге базалық білім алып, болашақта акселерацияға қатысуға жол ашады.
Мамандардың айтуынша, Coca-Cola Belesteri бастамасы Қазақстандағы кәсіпкерлікті дамытуға және бизнестің тұрақты өсуіне серпін беруді жалғастырады.
