Алматыда 13–23 наурыз аралығында Nauryz Sale ауқымды мерекелік акциясы өтеді. Бұл туралы Baribar.kz хабарлап отыр.
Әкімдіктің мәліметінше, қала тұрғындары мен қонақтары 10 күн бойы тиімді сауда жасап, түрлі мәдени-ойын-сауық іс-шараларына қатыса алады. Науқанға Алматының ірі сауда-ойын-сауық орталықтары қатысады. Олардың қатарында:
-
Forum Almaty
-
Globus
-
Mega Park
-
Aport East
-
Almaty Mall
-
Dostyk Plaza
-
Moskva Mall
-
Mart
-
Sputnik Mall
Акция кезінде сауда орталықтарында тауарлардың түрлі санаттарына 10–30% жеңілдік ұсынылады. Сонымен қатар отандық брендтердің өнімдері қойылатын арнайы аймақтар ұйымдастырылып, оларды нарық бағасынан 10–20% төмен бағамен сатып алуға мүмкіндік беріледі. Сатып алушыларға ыңғайлы болу үшін акциялық тауарлар Nauryz тақырыптық безендіруімен және арнайы навигациямен белгіленеді, — делінген хабарламада.
Мерекелік бағдарлама аясында сауда орталықтарының алаңдарында:
-
тақырыптық жәрмеңкелер мен фестивальдер
-
концерттер мен музыкалық бағдарламалар
-
ұлттық нақыштағы фотоаймақтар
-
балалар мен ересектерге арналған интерактивті алаңдар ұйымдастырылады.
Негізгі мерекелік іс-шаралар 20–23 наурыз аралығында өтеді. Сонымен қатар сауда орталықтарының LED экрандарында Наурыз дәстүрлеріне арналған бейнероликтер көрсетіледі.
Еске салайық, Қазақстанда мерекеге орай 13–23 наурыз аралығында республикалық Nauryz Sale акциясы басталады.
