Не болды?
Астана халықаралық әуежайы 15 сәуір мен 31 мамыр аралығында күндізгі уақытта істемейді. Бұл туралы Baribar.kz хабарлап отыр.
Мәлімет
Астана халықаралық әуежайының мәліметінше, ұшып-қону алаңдары 10:00-ден 18:00-ге дейін бір жарым ай бойы жабық болады. Осы уақытта ұшуға тиіс халықаралық және ішкі рейстер таңғы немесе кешкі уақытқа ауысады. Әуе компаниялары мен уәкілетті мемлекеттік органдар рейс уақытын өзгертуге келісім берген.
Әуежайды уақытша жабуға себеп – ұшып-қону жолағы жөнделеді. Сондықтан әуе порты рейстерді қабылдамайды. Бұл әуеайлақ инфрақұрылымы мен ұшу қауіпсіздігін арттыруға ықпал етеді.
Контекст
Естеріңізге салайық, биыл Астана әуежайында екінші ұшып-қону жолағы салынады.
