Не болды?
2026 жылы Қызылорда облысында су үнемдеу үшін күріш алқабы қысқарды. Бұл туралы Baribar.kz хабарлап отыр.
Мәлімет
Қызылорда облысының әкімі Нұрлыбек Нәлібаевтың айтуынша, биыл жалпы 185,8 мың гектар жерге әртүрлі дәнді-дақыл егу жоспарланып отыр. Оның 70 мың гектарына күріш егіледі. Бұл 2025 жылғы деңгейден 10,9 мың гектар аз. Кейінгі төрт жылда су үнемдеу үшін күріш алқабы 19 мың гектар (21%) қысқарды.
Қысқарған күріш алқабына енді не егіледі?
Жүгеріні терең өндеуге бағытталған «Қызылорда крахмал-сірне зауыты» іске қосылады. Жоба құны – 40 млрд теңге.
Оған қоса Швейцарияның «Харвест Груп» компаниясы техникалық қарасора, жүгері, соя өсіруді жоспарлап отыр. Инвестиция құны – 51 млрд теңге.
Контекст
Естеріңізге салайық, былтыр Қызылорда облысында Ы. Жақаев атындағы қазақ күріш шаруашылығы ғылыми-зерттеу институты жаңа күріш сортын шығарған еді.
