Қазақстан мұсылмандары діни басқармасының шариғат және пәтуа бөлімі 2026 жылғы діни мерекелер күнтізбесін бекітті.
Кесте бойынша, қасиетті Рамазан айы 19 ақпанда басталады. Ал Қадір түні – 16 наурыздан 17 наурызға қараған түніне сәйкес келеді.
Ораза айт 20 наурызда, ал Құрбан айттың бірінші күні 27 мамырда атап өтіледі.
Діни басқарма мамандары мерекелердің нақты күндері айдың көрінуіне байланысты өзгеруі мүмкін, сондықтан күнтізбе бір күнге алға не артқа жылжуы ықтимал екенін ескертті.
