Түркістан облысының Отырар ауданында үш қабатты тұрғын үйде газ жарылысы болды. Бұл туралы QazaqGaz Aimaq хабарлап отыр.
Компанияның мәліметінше, оқиға 30 қазанда Шәуілдір ауылында тіркелген. Жарылыстың себебі — газ жүйесіне рұқсатсыз қосылу.
Жарылыс салдарынан бір адам зардап шекті. Бірнеше пәтерге зақым келді. Қазір елді мекенге газ беру уақытша тоқтатылды, мамандар желілерді тексеріп жатыр, — делінген хабарламада.
Компания өкілдері тұрғындарға газ жүйесіне өз бетімен қосылу өте қауіпті екенін ескертті. Мұндай жұмыстарды тек лицензиясы бар мамандар орындауға тиіс.
