«Казгидрометтің» хабарлауынша, бүгін Қазақстанның басым аймақтарында тұрақсыз ауа райы сақталады, кей жерлерінде жаңбыр жауып, найзағай, жел күшейіп, түнде солтүстік аймақтарда үсік күтіледі. Республиканың тек оңтүстік және оңтүстік-шығысында ауын-шашынсыз ауа-рай болады.
Ақмола облысының кей жерлерінде жел 15-20 м/с күшейіп, түнде 2 градусқа дейін үсік күтіледі.
Қостанай, Солтүстік Қазақстан облыстарының бірқатар аймақтарында түнде 2-3 градусқа дейін үсік күтіледі, күндіз найзағай мен жел 15-20 м/с күшейеді.
Батыс Қазақстан облыстарының кей аудандарында, Алматы облысының Жалаңашкөл ауданында жел күші 15-23 м/с болады.
Қарағанды облысында, күндіз Жамбыл, Оңтүстік Қазақстан, Маңғыстау, Шығыс Қазақстан облыстарының кей жерлерінде найзағай, жел 15-20 м/с күшейеді. Атырау облысында найзағай болады.
Астана қаласында ауа райы көшпелі бұлтты, түнде жаңбыр жауады. Солтүстік-батыстан соққан желдің күші 9-14 м/с. Ауаның температурасы түнде +6+8°С, күндіз +16+18°С болады.
Алматы қаласында да көшпелі бұлт шығып, жауын-шашынсыз ауа райы сақталады. Желдің күші 0-5м/с болады. Ауаның температурасы түнде +17+19°С, күндіз +32+34°С болады.