«Франция халқы Сізге дауыс беру арқылы өзіңіз жариялаған, елдің қарқынды дамуына бағытталған өзгерістерді қолдайтынын көрсетті. Сіздің басшылығыңызбен Франция өркендеу жолында жаңа тамаша табыстарға қол жеткізетініне кәміл сенемін», — деп жазылған жеделхатта.
Сонымен қатар мемлекет басшысы биыл Қазақстан мен Франция арасындағы дипломатиялық қарым-қатынастың орнағанына 25 жыл толатынын атап өтті.
«Өзара іс-қимылымыз өрістеп, стратегиялық әріптестік деңгейіне көтерілгенін мақтан тұтамыз. Сізбен және Франция үкіметімен ортақ мүдделі мәселелер жөнінде жаңашылдық пен талпыныс рухында бірге жұмыс бастауға дайынбыз. Жан-жақты ықпалдастығымыз халықтарымыздың игілігі үшін одан әрі нығая береді деп үміттенемін», — делінген жеделхатта.
Соңында Нұрсұлтан Назарбаев Франция көшбасшысының бастамаларына сәттілік, ал француз халқына бақ-береке тіледі.
Францияның таңдауы Макрониға түсті. Президент ретінде елдің дамуына зор ықпал жасайды деп ойлаймын.
Дипломатиялық қарым-қатынасты әрі қарай жалғастыруда президенттің инициативасы өз рөлін ойнайды.
Елбасының сөзіне құттықтаймын. Екі елдің қарым-қатынасы одан әрі гүлдене түседі деп ойлаймын.