2025 жылғы мамыр айындағы мереке күндері мен демалыс күндерін ескерсек, Қазақстан азаматтары 12 күн демалады.
«Қазақстан Республикасындағы мерекелер туралы» заңның 3-бабына сәйкес 2025 жылы Қазақстан азаматтары үш мерекені тойлайды:
- Қазақстан халқының бірлігі күні – 1 мамыр (бейсенбі);
- Отан қорғаушы күні – 7 мамыр (сәрсенбі);
- Жеңіс күні – 9 мамыр (жұма).
Осылайша, Қазақстан азаматтары:
- бес күндік жұмыс аптасы бойынша: 1 мамырда демалады, 2 мамыр – жұмыс күні, 3 және 4 мамыр – күнтізбелік демалыс күндері, 5 және 6 мамыр – жұмыс күндері, 7 мамыр – мерекелік демалыс күні, 8 мамыр – жұмыс күні, 9, 10, 11 мамыр – мерекелік демалыс күндері.
- алты күндік жұмыс аптасы бойынша: 1 мамыр – мерекелік демалыс, 2 және 3 мамыр – жұмыс күндері, 4 мамыр – демалыс күні, 5 және 6 мамыр – жұмыс күндері, 7 мамыр – мерекелік демалыс күні, 8 мамыр – жұмыс күні, 9 мамыр – демалыс, 10 мамыр – жұмыс, 11 мамыр – күнтізбелік демалыс күні.
