Алматы прокуратурасы дропперлерден келген залалды қалай өтеуге болатыны жөнінде нұсқаулық жариялады.
«Дроппер» — алаяқтар ақша алу үшін пайдаланатын адам. Әдетте, банк шоттары, карталар арқылы аударым жасалады немесе ұрланған қаражат қолма-қол ақшаға айналады.
Өндіріп алудың мұндай мүмкіндігі негізсіз байыту кезінде қаражат пен мүлікті қайтару міндетін көздейтін Азаматтық кодексінің 953-бабымен регламенттелген, — делінген хабарламада.
Наурызбай аудандық сотының шешімі арқылы жәбірленушінің «дропперлерден» 3 миллион теңге мөлшерінде залал сомасын өндіріп алу туралы талабы қанағаттандырылды.
Талап арыз беру үшін мынадай құжаттар қажет:
- қылмыстық істі СДТБ-не енгізу туралы баянаттың көшірмесі;
- жәбірленушіні тану туралы қаулының көшірмесі;
- банктен адамның шотына ақша қаражатын аудару туралы жауап;
- шотына ақшалай қаражат түскен адамнан жауап алу («дропперлер»).
Интернет-алаяқтықтың құрбаны болсаңыз, қосымша сұрақтар бойынша прокуратура органдарына жүгінуге құқығыңыз бар. Алматы қаласының прокуратурасы азаматтарды мұқият болуға және өздерінің банктік карталарының деректері мен кіру кодтарын бөгде адамдарға бермеуге шақырады, — делінген хабарламада.
