Visa Stay Secure зерттеуі CEMEA өңіріне кіретін (Орталық және Шығыс Еуропа, Таяу Шығыс пен Африка) елдер мен Қазақстан азаматтарына сауалнама жүргізген. Сауалнамаға қатысқан өз еліміздің азаматтарының 47%-і алаяқтық қаупіне қарамастан, онлайн төлегенді жөн көреді.
Сауалнамаға қатысқан Қазақстан азаматтарының 50%-і — алаяққа алданғандар. Дегенмен азаматтар 2023 жылға қарағанда 2024 жылы күмәнді белгілерді жақсырақ тани бастаған және онлайн-операциялар қаншалық шын екенін жиі тексереді. Респонденттердің 47%-і 2025 жылы алаяқтық қаупіне қарамастан, қолма-қол ақшасыз төлемді жиірек қолдануды жоспарлап отыр.
Қазақстаннан қатысқан респонденттердің 79%-і онлайн-төлемді сенімді жасай береді. Жеке басын растау үшін мәтін кодын жазуды немесе сатушы жіберген сілтемені басуды қауіп көрмейді. Қолданушылардың 66%-і смартфондағы қолданбалар арқылы мобайл төлем жасағанды құп көреді.
Зерттеуге Орталық және Шығыс Еуропа, Таяу Шығыс пен Африка (CEMEA) өңіріндегі 5 800 ересек адам қатысқан. Олардың 97%-і онлайн-транзакцияларды қорғау шараларын қолданатыны анықталған.
