Бейонсенің жақында Джей Зи екеуінің егіз балалы болатынын жазып салған суреті әнішінің жазбаларының ішінде ең көп Like жинады. Алғашқы тәулікте-ақ оған алты миллион адам «ұнайды» белгісін басқан. Қазір бұл көрсеткіш 11 миллионға жетті. Ал пікірлер саны — 500 мың. Бұны D’Marie Analytics сараптамалық орталығы анықтады.
Әншінің Facebook, Twitter желілеріндегі аккаунттарында 200 миллионға жуық жазылушы бар. Дегенмен, Бейонсе ол жаққа сирек бас сұғады.
«Ол бұрын суреттерін аз жариялайтын, тұрақты бір уақыт белгілемейтін. Бірақ қазір желілерге деген көзқарасын өзгертті. Енді ол халыққа ашыла түсті»,- деді оның ресми өкілі журналистерге берген сұхбатында.
