Әлеуметтік маңызы бар азық-түлік тауарларының бағасы бір жылда 6,5%-ке өсті. Бұл туралы ұлттық статистика бюросы хабарлады.
Қазақстан бойынша әлеуметтік маңызы бар кейбір тауарлардың орташа бағасы (2023 жылғы 5 қыркүйек):
Рожки – 316 тг/кг;
Қарақұмық – 331 тг/кг;
Күнбағыс майы – 770 тг/л.
Әлеуметтік маңызы бар азық-түлік тауарларының тізбесіне 19 түрлі өнім кіреді. Баға өзгерісі туралы көрсеткіштер апта сайын жаңарып отырады.
Бағаның өзгеруі туралы ақпарат барлық облыс орталығынан, республикалық маңызы бар қалалардан және астанадан жиналады.
Ол үшін елдімекеннің әртүрлі бөліктерінде орналасқан тауарлардың кең ассортименті бар әртүрлі типтегі сауда объектілері (гипермаркеттер, супермаркеттер, дүкендер, коммуналдық базарлар, әлеуметтік дүкендер мен павильондар) таңдалады.