7 және 9 мамырда Қазақстан-Қытай шекарасындағы автомобиль өткізу пункттері жұмыс істемейді.
Бұл туралы мемлекеттік кірістер комитеті хабарлады.
Мереке күндеріне байланысты 2023 жылғы 7 және 9 мамырда шекарадағы автомобиль өткізу пункттерінде тұлғаларды, көлік құралдары мен жүктерді өткізу жүзеге асырылмайды. Шекарадағы теміржол өткізу пункттері штаттық режимде жұмысын жалғастырады, — делінген хабарламада.
Ведомство тасымалдаушылардан және шекараны кесіп өтуге барлық ниет білдірушілерден енгізілген шектеулерді ескере отырып, өз бағыттарын алдын ала жоспарлауды сұрады.
