Жүк тасымалдаушылар ҚХР-мен шекарадағы «Нұр жолы» кеден бекетінде электрон кезекті ұзақ күтуге, сонымен қатар олар басқа да мәселелерге наразылық білдірді.
Бұл туралы бас прокуратура хабарлады.
Ақуалды шешу мақсатында бас көлік прокуратурасы ведомствоаралық жұмыс тобын құрды, оның құрамына ҚР қаржы министрлігі мемлекеттік кірістер комитетінің, ҰҚК шекара қызметінің, индустрия және инфрақұрылымдық даму министрлігінің, сыбайлас жемқорлыққа қарсы іс-қимыл қызметінің және «Атамекен» ҰКП-ның өкілдері кірді.
24-31 наурыз аралығында ведомствоаралық жұмыс тобы «Нұр жолы» өткізу пунктіне барып, жүк тасымалдаушылармен, мемлекеттік және уәкілетті органдардың өкілдерімен кездесулер өткізді. Проблемалық мәселелердің туындау себептері анықталып, адал жүк тасымалдаушылардың құқықтарын қорғауға және электрондық кезек процесінің ашықтығын қамтамасыз етуге бағытталған бірлескен шаралар қабылданды.
Шекара маңындағы дүрбелең E-border бағдарламасы жұмыс алгоритмінің жетіксіздігінен орын алған. Бағдарлама жеңіл және ауыл шаруашылығы автокөліктерінің, сонымен қатар жүктерді тасымалдау үшін ҚХР-на шығуға иелерінің мақсаты болмаған автобустардың тіркеу деректерін пайдалану арқылы кезек орындарын «броньдауға» мүмкіндік берді. Мөлшерлемесі 40 мың АҚШ долларына дейін жеткен жүк тасымалдау бойынша «көлеңкелі қызмет көрсету нарығының» белсенділігімен бұл жағдай күрделене түсті, — делінген хабарламада.
Жұмыс тобының ұсынысымен кезектен 2 000-ға жуық автокөлік алынып тасталды, оның ішінде жеңіл, сонымен қатар бұрын есептен алынған не есепте тұрмағандары бар. E-border бойынша тізімді пайдалануды 16 сәуірден тоқтату туралы шешім қабылданды. CarGoRuqsat жаңа электрон кезек жүйесінде бұл олқылықтар ішкі істер органдарының дерекқорларымен интеграциялау арқылы ескерілді. Бұл кезектілікпен байланысты алыпсатарлық жасау мүмкіндігін жояды.
Сонымен қатар өткізу пунктінің аумағында қалдырып кеткен 80-ге жуық ауыр жүк жүргізушісі болды, олардың жүргізушілері тасымалдау қызметтерінің құнын жасанды түрде қымбаттату үшін қасақана ұзақ уақыт бойы ҚХР-ға шығуды кешіктірген. Мұндай фактілерді болдырмау үшін технологиялық схемаға түзетулер жобасы дайындалды, оған сәйкес жүк тасымалдаушылар бұдан былай өткізу пунктінің аумағында 72 сағаттан артық болмауға тиіс, — делінген хабарламада.
Сонымен қатар ҚХР-ға виза алу қиын екеніне қатысты шағымдар болды. Жүргізушілердің көпшілігінде виза жоқ және тиісті визасы бар басқа жүргізушілермен белгіленген қаражатқа келісуге мәжбүр болып жатыр.
Бас көлік прокуратурасы сыртқы істер министрлігіне виза алу тәртібі мен шарттарын кеңінен жариялауды, сонымен қоса қажет болған жағдайда осы мәселе бойынша жүк тасымалдаушылармен көшпелі кездесулер өткізуді ұсынды.
Одан бөлек жүктерді тасымалдауға халықаралық рұқсат алуға қатысты қиындық болған. Бас көлік прокуратурасының бастамасымен рұқсатты тікелей өткізу пунктінде беруді, сонымен қатар жүк тасымалдаушылар үшін артық талаптарды алып тастауды көздейтін индустрия және инфрақұрылымдық даму министрлігі мен мемлекеттік кірістер комитеті бірлескен бұйрыққа қол қойды.
