Елімізде өсімдік майының өндірісі өсті

Биыл қаңтар-ақпан айларында елде 111,8 мың тонна тазартылған және тазартылмаған өсімдік майы өндірілді, бұл былтырмен салыстырғанда 31%-ке артық.

Бұл туралы Energyprom.kz хабарлады.

Бұл ретте тазартылған май өндірісі бір жылда 25,3 мың тоннаға дейін төмендесе, тазартылмаған май өндірісі, керісінше, 40,2% болып, 86,4 мың тоннаға дейін өсті.

Өңірлер бойынша ең көп өсімдік майы Шығыс Қазақстан облысында өндірілді: 11,6 мың тонна тазартылған және 30,4 мың тонна тазартылмаған.

Тазартылған май өндірісінен Алматы екінші орында (6,8 мың тонна), үшінші орында — Шымкент (5,7 мың тонна). Тазартылмаған май өндірісінен екінші орында Абай облысы (20,3 мың тонна), үшінші орында — Алматы (12,2 мың тонна).

Елдегі өсімдік майы өндірісінің 77%-і күнбағыс майына тиесілі. Тазартылмаған күнбағыс майы 68,5 мың тонна өндірілді, бір жыл бұрынғыдан 2,1 есе көп, тазартылған — 17,6 мың тонна, 45,9%-ке азайған.