Жедел-іздестіру іс-шараларын өткізу барысында Алматы облысы полиция қызметкерлері ұлттық қауіпсіздік комитеті қызметкерлерімен бірлесіп, Қонаевтағы орман жолағынан қару-жарақ сақталған орынды анықтады.
Қытай сөмкесінің ішінен 12 мм винчестердің 2 бірлігі, 223 Rem BENELLI мылтық карабині, 16 мм екі ұңғылы кесілген аңшылық мылтық және бір ұңғылы кесілген мылтық табылды.
Сонымен қатар газ тапаншасы, Ф-1 екі жауынгерлік граната, 440 дана 7,62 мм калибрлі және 18 дана 12 калибрлі патроны бар темір қорап, сондай-ақ оқ өтпейтін жилет тәркіленді.
Қажетті сараптамалық тексерулер тағайындалды және тергеу жүргізіліп жатыр.