Ведомствоның мәліметінше, Петропавл тұрғыны қала орталығындағы гараж кооперативтерінің бірінде суррогат өнімін жасап, халыққа өткізген.
Тінту кезінде жалған есепке алу-бақылау таңбалары бар 8 мыңнан астам алкоголь өнімі және құрамында спирті бар сұйықтық құйылған 600-ге жуық бес литрлік пластик ыдыстар, сонымен қатар бос ыдыстар, қақпақтар, хош иістендіргіш концентрат пен суррогат толтыруға арналған арнайы құрылғы табылып, тәркіленді, — делінген хабарламада.
Аталған факті бойынша сотқа дейінгі тергеу басталды.
