Бұл туралы ол сыртқы істер министрінің орынбасары Алмас Айдаровпен және «Kazakh Invest» ҰК» АҚ өкілдерімен кездесу барысында мәлімдеді.
2018 жылы іске қосылған TikTok-тың халықаралық нұсқасы бір миллиардтан астам дүниежүзілік ай сайынғы аудиториясы бар жетекші жаһандық интернет-платформалардың бірі.
TikTok өкілдерінің айтуынша, бүгінде Қазақстанда ай сайын платформаны 7 миллионнан астам тіркелген пайдаланушы қолданып отыр. Компания әлемнің көптеген елінде, соның ішінде Қазақстанда білім мен мәдениеттің дамуына ықпал ету саласында ауқымды жобаларды жүзеге асырып келеді.
Олег Соколов TikTok-тың Қазақстан аумағында ұлттық театрлар мен музейлерді ілгерілетуді қоса алғанда, платформаның мәдени-ағартушылық контентін күшейту ниетін атап өтті.
Қазақстанда компанияның өкілдігін ашу мүмкіндігін қарастыру керек. Компания еліміздегі бастамаларға жан-жақты қолдау көрсетуге дайын,- деді Алмас Айдаров.
Кездесу қорытындысы бойынша тараптар өзара ынтымақтастықты нығайтуға келісті.
