Өткен аптада 22 жасар Путинцева St. Petersburg Ladies Trophy турнирінің финалына дейін шықты. Алайда ақтық ойында Франция елінің өкілі Кристина Младеновичке ұтылды. Бұл нәтиже Юлия Путинцеваның әлемдік рейтингте 7 сатыға ілгерілеп, 27-орынға көтерілуіне мүмкіндік берді.
Еске сала кетейік, Қазақстанның бірінші ракеткасы үшін 27-орын — (бұған дейін 31-орында болған) мансабындағы үлкен жетістік. Ал Санкт-Петербургтегі финал оның WTA сериясындағы турнирлердің алғашқысы болды.
Сондай-ақ қазақстандық теннисші Ярослава Шведова бір сатыға төмендеп, 46-орынға тұрақтады. Ал Зарина Диас 166-орында тұр.