Бұл туралы индустрия және инфрақұрылымдық даму министрлігінің баспасөз қызметі хабарлады.
Баспасөз қызметінің мәліметінше, 11 көлік РФ аумағына, 8-і Молдоваға және 32-сі Польшаға өтті. Украинада әзірге 6 көлік қалып отыр, оның ішінде 5 жүргізуші — осы елдің азаматтары.
Сонымен қатар, қазақстандық операторларға тиесілі 1 030 жүк вагоны украин жерінде тұр. Бұл елге қарай бағытталған 509 вагон әзірге Ресей Федерациясы мен Грузия аумағында. Тағы 627 вагон басқа бағыттарға жіберілді.
Мемлекет басшысы Қасым-Жомарт Тоқаев Украинадағы Қазақстан азаматтарын эвакуациялау жөніндегі жұмысты жіті қадағалап отыр.
Халықаралық тасымалдарда туындаған мәселелер бойынша жедел әрекет ету үшін ҚР ИИДМ, «Қазақстан темір жолы» ҰК» АҚ және еліміздің теңіз порттары жанынан «Жедел желілер» ашылды,- делінген хабарламада.