Елдегі төтенше жағдайлар мен оқиғалардың басым көпшілігі- өрттер (тұрмыстық, өндірістік, орман дала). Бұл өз кезегінде адамдардың өміріне және ел экономикасының дамуына қауіп төндіреді, сонымен қатар болып жатқан барлық төтенше жағдайдың 89%-ын құрайды. Қабылданған шараларға және соңғы жылдары олардың төмендеу үрдісіне қарамастан, өрттердің саны әлі де елеулі болып қалуда. Биыл 8 662 өрт тіркелді, одан 335 адам зардап шекті, 280 адам қаза тапты. Өрт кезіндегі өлім себептері: жоғары температура-83, жану өнімдерінің әсерінен-176, газ жарылыстарынан-13, құрылыс конструкцияларының құлауынан- 3, — деді Юрий Ильин.
Оның айтуынша, өрттердің көпшілігі қалалар мен ірі елді мекендерге тиесілі, оларға бүгінде тек 416 өрт сөндіру депосы қызмет көрсетеді.
Қалалар мен елді мекендерді тиісті өртке қарсы қорғауды ұйымдастыру үшін (5 мың және одан да көп халқы бар) бірінші кезектегі тәртіппен 127 өрт сөндіру депосының қосымша құрылысы талап етіледі (соның ішінде 65 — қалалық жерлерде, 62 — ауылды елді мекендерде), — деді министр.