Пермьдегі атыстан қаза тапқандар мен зардап шеккендердің арасында қазақстандықтар бар ма?

Бұл туралы Сыртқы істер министрлігінің баспасөз қызметі хабарлады.

Қазан қаласындағы Қазақстанның бас консулдығының консулдық окургі бойынша қазақстандық студенттердің жалпы саны шамамен 5 мың адам.

Ал Пермь мемлекеттік ұлттық зерттеу университетінде 22 қазақстандық студент оқиды. Университетте болған қайғылы оқиға салдарынан қаза тапқандар мен зардап шеккендердің арасында қазақстандық студенттер жоқ, — делінген хабарламада.

Кеше Ресейдің Пермь мемлекеттік ұлттық зерттеу университетінде атыс салдарынан 8 адам қаза тапты.