Жергілікті пабликтер ақпаратына сәйкес, 12 жастағы қыз 35 жастағы ер адаммен Instagram арқылы танысқан.
Облыстық полиция қылмыс туралы ақпарат Меркі аудандық полиция бөліміне түскенін хабарлады. Тәртіп сақшыларына балалар ауруханасына Меркі ауылының кәмелет жасқа толмаған тұрғыны жеткізілгені айтылған.
Меркі аудандық полиция бөлімі Қылмыстық кодекстің «зорлау» бабы бойынша сотқа дейінгі тергеу бастады.
Сотқа дейінгі тергеу кезінде бірқатар тиісті сараптама тағайындалды. Жедел-іздестіру шарасы жүргізіліп жатыр, — делінген ведомствоның хабарламасында
