Қазақстан президенті Қасым-Жомарт Тоқаев бүгін Шанхай ынтымақтастық ұйымына мүше мемлекеттер басшылары кеңесінің және ҰҚШҰ мен ШЫҰ құрамындағы елдер басшыларының отырысына қатысады. Президенттің баспасөз қызметі Душанбеде өтетін іс-шараларды «Хабар 24» телеарнасы арқылы тікелей эфирден көрсетуді ұйымдастырды. Басталуы: Нұр-Сұлтан уақытымен сағат 11:30, − деп жазды Берік Уәли Facebook-тегі парақшасында.
Еске сала кетейік, кеше Душанбеде Ұжымдық қауіпсіздік туралы шарт ұйымы (ҰҚШҰ) Ұжымдық қауіпсіздік кеңесінің сессиясы өтті.
