Алайда Нұрсұлтан Назарбаев аталған қызметтен бас тартуға құқы бар. Ұсыныс Үкіметтің 15 маусымдағы қаулысында бекітілген.
Құжат келесі мазмұндағы 5-1 тармағымен толықтырылды:
«Қазақстан Республикасының тұңғыш президентіне – Елбасыға өмір бойы ассамблеяны басқару құқығы беріледі, одан ол бас тартуға құқылы», — ұсынылған құжаттың 5-1 тармағы осы ережемен толықтырылуы керек делінген.
Сонымен қатар Қазақстан халқы ассамблеясының ережесі туралы «Қазақстан Республикасы президентінің 2011 жылғы 7 қыркүйектегі №149 жарлығына сәйкес Қазақстан халқы ассамблеясының ережесіне мынадай өзгерістер мен толықтырулар енгізу ұсынылады:
Қазақстан Республикасының президенті:
1) Ассамблеяны құрады және қайта ұйымдастырады;
2) Ассамблея қызметінің бағыттарын айқындайды;
3) Ассамблея басшыларын қызметке тағайындайды және қызметтен босата алады;
4) Ассамблея сессиясына шақыра алады;
5) Қазақстан Республикасының Конституциясына және заңдарына сәйкес өзге де қызметті жүзеге асыра алады.
Үкімет жарлықтың осы жобасын президенттің қарауына енгізу туралы қаулыға қол қойды.
