Бұл туралы қала әкімі Бақытжан Сағынтаев айтты.
Бақытжан Сағынтаевтың айтуына қарағанда, Алматы тұрғындары пандемия кезінде тауға төрт есе көп баратын болған. Азаматтарға қолжетімді болуы үшін туристік қоғамдық кеңістіктер құру жұмыстары жүргізіліп жатыр.
Былтыр таулы жерлерде 4 визит-орталық салынды, 1 000 шақырым жаяу жүргінші жолы цифрландырылды, 500 шақырым жол абаттандырылды. Биыл қосымша 172 шақырым тау бағыттары абаттандырылады.
Таулы жерлерде қауіпсіздікті қамтамасыз ету бойынша өзге де жобалар пысықталып жатыр. Биыл тауда туристер бағыттан жиі адасты, ұялы байланыс нашар ұстайтын 14 қауіпті аймақ жабылды. Сонымен бірге тауда құтқарушылар пультіне апат сигналдарын беру үшін қосымша 10 радиорелелік мачталар орнатылады, — деді Бақытжан Сағынтаев.
