Жексенбі күні мұнда келушілер көп болды. Облыстық мәслихатқа кандидаттар Nur Otan партиясы республикалық қоғамдық сайлауалды штабының мүшесі, партияның саяси кеңесінің мүшесі, «Болашақ сарайы» балалар мен жасөспірімдер мекемесінің директоры Айнагүл Балташевамен бірге қала тұрғындарына алдағы маңызды науқан — ҚР Парламенті Мәжілісі мен барлық деңгейдегі мәслихаттар сайлауына қатысты үгіт жұмыстарын жүргізді.
Олардың қатарында облыстық мәслихаттың қазіргі депутаттары «Той Дастархан» ЖШС директоры Елена Мащинская, «Көкшетау сүт зауыты» ЖШС директоры Асен Жақсылықов, «КАМАЗ – Инжиниринг» АҚ директоры Сергей Кистин, облыстық көпсалалы ауруханасы нейрохирургия бөлімшесінің меңгерушісі Ерлан Аяғанов, Nur Otan қалалық аумақтық филиалы төрағасының орынбасары, қалалық мәслихаттың қазіргі депутаты Зәуреш Олжабаевалар болды.
Әр кандидат тұтынушыларға ақпараттық парақшаларды таратып қана қоймай, 2021 жылдың 10 қаңтарында сайлау учаскесіне келіп, дауыс берудің маңызын ұғындырды.
Жерлестеріміздің бізді таңдап, бізге сенім артып отырғандарыңыз үшін рахмет. Сайлауға міндетті түрде барып, нақты халықтың партиясына дауыс беріңіздер! — деді Елена Мащинская.
Әр кандидат өзінің сайлауалды бағдарламасымен таныстыра отырып, алдағы уақытта халықпен бірге өңірді одан әрі гүлдендіре беруге атсалысатынын айтты.
Ескерту: Nur Otan партиясының Ақмола облысы Сайлау қорының қаражатынан төленді.
