Жедел желіге хабарласуға болатын жағдайлар:
- Егер мемлекеттік қызметтер уақытымен жасалмай жатса;
- Мемлекеттік органдар мемлекеттік қызмет стандарттарында көрсетілмеген құжатты талап етсе;
- Мемлекеттік қызметкерлер этикалық нормаларды сақтамаса;
- Жемқорлық оқиғалары туралы хабарлауға;
- Мемлекеттік қызметке тұруға байланысты шағымдар қабылданып, сұрақтарға жауаптар беріледі.
WhatsApp арқылы жолданған хабарлар Мемлекеттік қызмет істері және сыбайлас жемқорлыққа қарсы іс-қимыл агенттігінің Қарағанды облысы бойынша департаменті мен «Қарағанды облысының Азаматтық Альянсы» қауымдастығы» ЗТБ бірлесіп жүзеге асырады. «Азаматтық бақылау» жобасының аясындағы қоғамдық қабылдау орнына келіп түседі.
Қоғамдық қабылдау орнының мүшелері хабарласқандарға тегін консультациялық қызмет көрсетіп, қажет болған жағдайда олардың құқы мен еркіндігін қорғауға шара қолданады.
— Қабылдау орнына бару үшін халықтың бәрі Қарағандыға арнайы келе алмайды. Солардың өтініш-тілектері тиісті орындарға тезірек әрі тиімді жетуі үшін осы желіні іске қосып отырмыз, — дейді қоғамдық қабылдау орнының қызметкері Татьяна Савицкая.
Ескертетін жағдай: аты-жөнін жасырғандардың арыз-шағымдары қаралмайды. Сонымен бірге, қызметтік көліктерді жұмыс уақытынан тыс кезде пайдаланудың немесе мемлекеттік қызметкерлер тарапынан болған басқа да заң бұзушылықтардың фото, бейнематериалдарын жіберуге болады.
