Меншік иесі: «Baribar Media» ЖШС Құрылтайшысы, бас директор: Ербол Серікбай
Бас редактор: Таңшолпан Төлеген
Куәлік нөмірі № KZ55VPY00021155, ҚР Индустрия және инфрақұрылымдық даму министрлігі байланыс, ақпарат және ақпараттандыру комитетімен берілген
Baribar Media–ға ұсыныс, алып-қосар ойыңыз болса мұнда жазыңыз: Электрон пошта:[email protected] Телефон: +7 (702) 455-60-77
Сайтқа жарнама орналастыру бойынша сұрақты мұнда жолдаңыз: Электрон пошта:[email protected] Телефон: +7 (708) 351-15-77
Бұл мақала «Qolda» жедел көмек көрсету жобасының аясында «Шеврон» компаниясымен және Орталық Азияның Еуразия Қорымен серіктестікте жасалды. Мақала авторының көзқарасы «Шеврон» компаниясының және Орталық Азияның Еуразия Қорының көзқарасымен сәйкес болмауы мүмкін.
0%
COVID-19-ды АҚШ ғалымы Чарльз Либер ойлап тапқан
Дұрыс!Қате!
Жалған. АҚШ Әділет министрлігінің ресми сайты 28 қаңтарда полиция Гарвард университетінің химия және химиялық биология кафедрасының меңгерушісі, профессор Чарльз Либерді және Бостон университеті мен Бостондағы Beth Israel Deaconess медицина орталығында қызмет ететін екі азаматты Қытайдан заңсыз қаржылай көмек алды деген айыппен тұтқындағанын хабарлады. Арада 2 ай өткенде әлеуметтік желі қолданушылары мен күмәнді сайттар «Чарльз Либер коронавирусты ойлап тауып, Қытайға сатқаны үшін айыпталды» деген жалған ақпарат тарата бастады. Чарльз Либер вирусолог емес, химик. Тергеушілер ғалымға қатысты істің коронавирусқа қатысы жоқ екенін мәлімдеді.
Ащы бұрыш қосылған сорпа коронавирусқа қарсы ем болады
Дұрыс!Қате!
Ащы бұрыш коронавирус инфекциясынан қорғамайды және бұл аурудан айықтырмайды. Вирустан сақтанудың әдісі - басқалардан кемінде бір метр алыс тұру, қолды сабынмен жиі жуу, медицина маскасын тағу. Ал науқасты дәрігерлердің хаттамасы бойынша жүргізілетін ем ғана құтқара алады.
Коронавирус жұқтырған адамның беті қараюы мүмкін
Дұрыс!Қате!
Рас. Коронавирус инфекциясын жұқтырған Ухань орталық ауруханасының екі дәрігері И Фан мен Ху Уейфыңның бет терісі қарайған.
Үй шыбыны коронавирус инфекциясын таратады
Дұрыс!Қате!
Үй шыбындары коронавирус инфекциясын тарататыны туралы ешқандай дәлел жоқ. Бұл вирус адамнан адамға ауа және тамшы, яғни жөтел мен түшкірік арқылы жұғады.
Жалған. Алкоголь коронавирустан қорғамайды. Спиртті ішімдікті жиі немесе шамадан тыс ішу денсаулыққа зиян.
Коронавирус климатқа тәуелді
Дұрыс!Қате!
Дүниежүзілік денсаулық сақтау ұйымының мәліметінше, COVID-19 кез келген аймақта, оның ішінде ыстық әрі ылғал мекендерде де болуы мүмкін. Дүниежүзінің қай жерінде жүрсеңіз де, ауа райы қандай болғанына қарамастан инфекциядан сақтануыңыз керек.
Коронавирус 5G желісі арқылы тарайды
Дұрыс!Қате!
Вирустар радио сигналдары немесе жылжымалы толқын арқылы тарамайды. Пандемия 5G желісін қолданбайтын елдерде де таралып жатыр.
Коронавирус адамға жарқанаттан жұғуы мүмкін деген ғылыми жорамал бар
Дұрыс!Қате!
Рас. Рим биомедицина университетінің эпидемиологы, профессор Массимо Чиккоцци коронавирус инфекциясы адамға жарқанаттан жұқты деп мәлімдеді.
Коронавирусты тепловизормен анықтауға болады
Дұрыс!Қате!
Тепловизор COVID-19-ды анықтай алмайды. Ол тек дене температурасын өлшейді.
Коронавирус бұрыннан бар
Дұрыс!Қате!
Дүниежүзілік денсаулық сақтау ұйымының мәліметінше, коронавирус - вирустар тобы. Оған 38 түрлі вирус кіреді. SARS-CoV-2 - коронавирустың бұған дейін адамдар арасында таралмаған бір түрі. Жаңа вирусты қосқанда бүгінге дейін адамдар арасында коронавирустың жеті түрі тарап отыр.
Коронавирус туралы ақпараттың қайсы рас, қайсы өтірік?
Ресми, сенімді ақпарат ресурстарын шолып шығып, коронавирусқа қатысты тұжырымдардың рас-өтірігіне көз жеткізіңіз.
Коронавирус инфекциясы туралы кең тараған тұжырымдарды негізіне қарай саралай аласыз.
