ҚР Үкіметінің алаңында өткен баспасөз конференциясыда ҚР Ауыл шаруашылығы министрі Сапархан Омаров астық нарығындағы ахуал мен нан бағасы туралы айтты.
Жыл басында мен нан бағасының өсуін тежеу туралы айттым. Азық-түлік корпорациясы арзандатылған астықты наубайханаларға 100-ден 150 мың тоннаға дейін сатады. Біз 100 мың тонна астық саттық. Содан бері нан бағасы тұрақты, — деді Сапархан Омаров.
Премьер-министрдің баспасөз қызметінің хабарлауынша, Ауыл шаруашылығы министрі ауа райына байланысты 2019 жылы 1-1,5 миллион тоннаға аз өнім жиналатынын айтты. Бұл жағдай ішкі нарыққа әсер етпейді.
Егер біз 19 миллион тонна астық жинасақ, оның 9 миллионы ішкі нарықта қалады, 7-8 миллион тоннасын экспорттаймыз, 2 миллион тонна астық қалады. Сонымен бірге бізде былтырдан қалған астық бар. Оның көлемі — 1,5 миллион тонна. Жалпы ішкі нарықты қамтамасыз ету үшін астық жеткілікті, — деді министр.
Сонымен бірге Сапархан Омаров Азық-түлік келісімшарт корпорациясы сатып алатын 1 миллион тонна астықтың ішінде нан өндірушілерге 150 мың тонна көлемінде, құс фабрикалары үшін 100 мың тонна көлемінде резерв бар екенін айтты.
