29 сәуір Marvel киноәлемінің 22-фильмінің премьерасы болды. Энтони және Джо Руссолардың “Кек алушылар: Финал” картинасы – суперқаһармандар туралы “Кек алушылар” (2012), “Кек алушылар: Альтрон эрасы” (2015) және “Кек алушылар: Шексіздік соғысы” (2018) фильмдер циклының қорытындысы. Қазақстанда комикс экранизациясы премьерасы болмай жатып рекордсмен атанды: 25-28 сәуір аралығында билеттердің алдын ала сатылымының өзінен 87,5 миллион теңге түсті.

“Кек алушылар” әлем бойынша табысқа кенеліп жатыр. Ресейде Автоматтандырылған бірыңғай ақпарат жүйесінің мәліметінше, фильм премьерасы болған күні-ақ 430,5 миллион рубль түсірді. АҚШ-та 26-28 сәуір күндері касса табысы 357,1 миллион доллар болды. Әлем бойынша картина прокатының бірінші уикендінде 1,209 миллиард доллар табыс тапты. Marvel өнімдерінен бұған дейінгі рекорд “Кек алушылар: Шексіздік соғысына” тиесілі еді, ол алғашқы уикендінде 640 миллион доллар түсірген еді.

Қазақстандағы бокс-офис бойынша табысты фильмдер үштігіне Джеймс Кенттің “Зардап” әскери драмасы мен суперқаһармандар туралы тағы бір фильм, DC Comics өнімі – Дэвид Ф.Сандбергтің “Шазам!” картинасы да еніп отыр. Алғашқысы бір демалыста 8,6 миллион теңге, “Шазам!” 8,4 миллион теңге тапты.

Қазақстан кинотеатрларында 25-28 сәуір аралығында мол табыс түсірген премьералар:

ПремьераларБір демалыстағы касса жинағыПрокаттағы апта саны
“Кек алушылар: Финал”87,5 миллион теңге                    1
“Зардап” (“Последствия”)8,6 миллион теңге                    4
“Шазам!”8,4 миллион теңге                    1
“Профессор мен есалаң” (“Игры разумов”)8,3 миллион теңге                    1
“Балуан Шолақ”7,5 миллион теңге                    2
“Небәрі 100 ғана зат” (“100 вещей и ничего лишнего”)7,1 миллион теңге                   3
“Дамбо”6,9 миллион теңге                   5
“Ащы, тәтті, қышқыл” (“Вкус любви”)6,5 миллион теңге                   3
“Үй иесі” (“Домовой”)6,4 миллион теңге                   3
“Хеллбой”6,3 миллион теңге                   3
“Үлкен саяхат”6,1 миллион теңге                   1
“Шпион” (“Пушистый шпион”5,9 миллион теңге                   2

 

2019 жылдың сәуір айында Қазақстан киномандары сеанс билеттеріне орташа есеппен 1213 теңге жұмсаған. Бұл былтырғы сәуірдегі көрсеткішпен салыстырғанда 0,7%-ға аз. Қымбат билеттер Атырауда (1900 теңге, былтырғыдан 15,2%-ға қымбат) және Нұр-Сұлтанда (1506 теңге, былтырғыдан 1,8%-ға аз).

Еnergyprom.kz еліміздегі киноөндіріс туралы статистиканы да жария етті.

Былтыр Қазақстанда кино, бейнефильмдер, телебағдарламалар, фонограммалар мен музыкалық жазбалар өндіру бойынша қызмет көрсету көлемі 62 миллиард теңге болды. Бұл 2017 жылға қарағанда 23,3%-ға көп.

Қазақстан киноөндірісінің локомотиві – Алматы. Киноөндіріс қызметінің көлемі Алматыда 30,4%-ға артып, 43,1 миллиард теңге болды. Нұр-Сұлтанда мұндай қызмет көлемі 12,9 миллиард теңге болды, көрсеткіш бір жылда 5,8%-ға көбейген.

(Фото: Аkspic.ru)

Біздің Telegram-каналымызға жазылыңыз!