«Қазгидромет» РМК мамандары 4-6 мамыр күндері ауа райы қандай болатынын хабарлады.
Синоптиктердің мәліметінше, Қазақстанға жылжыған антициклон республиканың көптеген облысында жауын-шашын мен күннің сууын тоқтатты.
Алдағы үш тәулікте солтүстік, орталық, шығыс және оңтүстік облыстарда антициклон ықпалынан жауын-шашын басылады және ауа температурасы күрт жоғарылайды, 6 мамырда күндізгі ауа температурасы 23-28 градусқа, оңтүстік пен орталықта 27-32 градусқа дейін жоғарылайды. Оңтүстік-шығыста алдағы үш тәулікте әлі де суық атмосфералық фронт ықпалы сақталады, сондықтан кей жерлерде найзағайлы жаңбыр жауады, жел күшейеді. Жауын-шашынның тоқтауымен мұнда ауа көктемгідей тез жылиды, — деп хабарлады «Қазгидромет» мамандары.
4-6 мамыр күндері еліміздің батыс облыстарына Ресейдің еуропалық бөлігінің орталық аймағынан атмосфералық фронттар жылжиды. Соған байланысты найзағай ойнап, жаңбыр жауады, дауыл соғады.
