Басты бет Мақалада Қазақстан футбол федерациясы

Ілмек: Қазақстан футбол федерациясы

Футбол, Қазақстан

Қазақстан футбол федерациясы мемлекеттік қаржыландырудан бас тартты

Қазақстан футбол федерациясы мемлекеттік және квазимемлекеттік құрылымдар есебінен қаржыландырудан бас тартты.
Әділбек Жақсыбеков

Қазақстан футбол федерациясының президенті ауысты

ҚР Президенті Әкімшілігінің басшысы Әділбек Жақсыбеков төрт жылға Қазақстан футбол федерациясының президенті болып сайланды.
Астана футбол клубы

Қазақстан премьер-лигасында 12 команда ойнайды

23 желтоқсанда Қазақстан Кәсіпқой футбол лигасының жалпы жиналысы өтіп, онда бірқатар маңызды мәселелер талқыланды.
Сейілда Байшақов

Сейілда Байшақов Қазақстан Футбол федерациясының басшысы болды

Қазақстан Футбол федерациясының жаңа президенті болып Сейілда Байшақов сайланды
Қазақстан футбол федерациясы

Қазақстан футбол федерациясы ұлттық құрама бапкерін өзі таңдайды

Шарт бойынша 15 қаңтарға дейін халық дауыс беру арқылы «ұлттық құраманы жергілікті әлде шетелдік бапкер жаттықтыру керек пе?» деген сауалнамаға өз таңдауларын жасауы тиіс еді.

Қорытындысы бойынша 15 қаңтарға дейін 50 мың жанкүйер дауыс берсе ҚФФ фанаттарға нақты кандидаттардың тізімін ұсынуға келіскен. Бірақ 15 қаңтарға дейін дауыс берушілердің саны үш мыңға жеткен жоқ.

Енді ҚФФ бапкер тағайындауды толық өзіне алып, қаңтардың соңына дейін ұлттық құрама жаттықтырушысын тағайындайды.

Қазақстан жанкүйер

Қазақстан футбол федерациясы Еуропада күлкіге қалды

Мәселен, немістің Spiegel басылымы былай дейді: «Бұл шынайы ақпарат па? Егер біздің елде осылай жасаса халық Германия футбол кеңесі есінен ауысқан деп айыптар еді».

«Шынайы болу үшін тым әсерлі» – бұл швейцариялық Berner Zeitung газетінде жарық көрген мақаланың тақырыбы. «Шенеуніктер футболды күлкіге айналдырды. Бас бапкерді осындай жолмен тағайындаса, Қазақстанның ешқашан не Әлем чемпионатына, не Еуропа біріншілігіне қатыса алмағаны түсінікті» делінген аталған мақаланың ішінде.

Естеріңізге салайық, Қазақстан Футбол федерациясы 28 желтоқсан күні Ұлттық құраманың бас бапкерін интернет-дауыс беру арқылы халықтың өзі таңдайтынын мәлімдеген болатын. Дауыс беру 15 қаңтарға дейін жалғаспақ.

Қазақстан футбол федерациясының «Оңтүстік» академиясы ашылды

Академияның ашылу рәсіміне Оңтүстік Қазақстан облысы әкімінің бірінші орынбасары Дархан Сатыбалды, Қазақстан футбол федерациясының президенті Ерлан Қожағапанов, ҚФФ вице-президенттері Сейілда Байшақов пен Бағлан Ергешев, ҚФФ бас хатшысы Азамат Айтқожин, ҚФФ Атқарушы комитетінің мүшесі Бауыржан Әбдубайытов, қазақ футболының ардагерлері Бақтияр Байсейітов, Вахид Масудов, Дмитрий Огай, Асқар Қожабергенов, Нүркен Мазбаев, Олег Воскобойников, Руслан Балтиев, ҚР еңбек сіңірген жаттықтырушысы, КСРО спорт шебері, ОҚО құрметті азаматы Махамбет Сапарбаев, Испания Елшілігінің Қазақстандағы консулы Адриан Ромеро, сонымен қатар, қазақ футболының жұлдыздары Самат Смақов, Фархадбек Ырысметов, Давид Лория, Али Алиев, Азат Нұрғалиев, Ғафуржан Сүйімбаев қатысты.

Оңтүстік футбол академиясы

- Барлықтарыңызды Қазақстан Республикасының Тұңғыш Президенті күнімен және «Оңтүстік» академиясының ресми ашылуымен құттықтаймын, - деді ашылу рәсімінде ҚФФ президенті Ерлан Қожағапанов. – Академия жұмысын маусым айында жас футболшыларды іріктеуден бастады. 10-14 жас аралығындағы 600-ден астам баланың ішінен 65 үздігі іріктелініп алынды. Испаниялық мамандар қаңтар айында еліміздің оңтүстік өңіріндегі дарынды балаларды тағы да қарап шығады. 2004 жылғы балалардың тобы ашылады. Қазақстан Республикасының Тұңғыш Президенті күні академияның ашылуы - Елбасының жас футболшыларға, қазақ футболының болашақ жұлдыздарына жасаған тартуы. Академия мен футбол орталықтарын ашу арқылы еліміздің жасөспірімдер, жастар және ұлттық құраманың ойыншыларын дайындаймыз. Біздің міндет - Қазақстанды футбол алпауытына айналдыру.

Ашылу рәсімі аяқталғаннан кейін «Оңтүстік» академиясының жоғары тобы қазақ футболының жұлдыздарымен жолдастық матч өткізді. Ойын 0:0 есебімен тең аяқталды.

Анықтама: «Оңтүстік» футбол академиясы мемлекет пен жеке кәсіпкерліктің әріптестігі аясында Қазақстан футбол федерациясының қолдауымен ашылды.

Академияның үш құрылтайшысы бар: «БИІК» футбол базасы футбол инфрақұрылымы мен қонақүйді ұсынады, ОҚО әкімдігі академияны жартылай қаржыландырады, Қазақстан футбол федерациясы жаттықтырушылар, спорттық жабдықтар және киімдермен қамтамасыз етеді.