Орталық сайлау комиссиясы жаңа Конституция жобасы бойынша республикалық референдумға арналған бюллетеньнің мәтінін бекітті. Бұл туралы Baribar.kz хабарлап отыр.
Азаматтар бюллетеньде бір ғана сұраққа жауап береді:
Жобасы бұқаралық ақпарат құралдарында 2026 жылғы 12 ақпанда жарияланған Қазақстан Республикасының жаңа Конституциясын қолдайсыз ба?
Жауаптың екі нұсқасы ұсынылған:
- Иә, қабылдаймын;
- Жоқ, қабылдамаймын.
Бюллетеньдер қазақ және орыс тілдерінде басылады. Референдумға 12 миллионнан астам азаматтың қатысуға құқығы бар.
Еске салайық, республикалық референдум 15 наурызда өтеді.
