Не болды?
Ұлттық банкінің басқармасы банк шоттарын ашу, жүргізу, жабу, онлайн төлемдер мен ақша аударымдары қағидаларына өзгерістер енгізді. Бұл туралы naryk.kz хабарлап отыр.
Мәлімет
Қаулы 2025 жылғы 31 желтоқсанда қабылданып, әділет министрлігінде №37777 болып тіркелді.
Негізгі өзгерістер
1. Жеке тұлғалардың банк шоты. Енді жеке тұлға банк шотын ашқанда, шот арқылы:
- кәсіпкерлік қызмет;
- өзін-өзі жұмыспен қамтығандарға арналған арнайы салық режимі;
- нотариус, адвокат, медиатор қызметі;
- атқарушылық құжаттарды орындауға қатысты операциялар жүргізілмейтінін көрсетуге тиіс.
2. Өзін-өзі жұмыспен қамтығандар үшін жаңа талап. Арнайы салық режимі аясында қызмет жүргізу үшін шот ашатын азаматтар (оның ішінде қандастар):
- жеке куәлігін;
- салық кодексінің 77-тарауына сәйкес арнайы салық режимін қолдану туралы өтініш ұсынады.
3. Мемлекеттік мекемелерге қатысты өзгеріс. Бюджеттен қаржыландырылатын мемлекеттік мекемелер үшін шот ашу кезінде қаржы министрлігінің 2025 жылғы 27 маусымдағы №328 бұйрығына сәйкес рұқсат талап етіледі.
4. Ғылыми жобаларды грантпен қаржыландыру. Ғылыми және ғылыми-техникалық қызмет нәтижелерін коммерцияландыру жобалары бойынша:
- эскроу-шоттан төлемдер;
- грант алушы мен контрагент арасындағы келісімшарт негізінде жүзеге асырылады.
Өзгерістер қашан күшіне енеді?
Қаулы ресми жарияланған күннен 10 күнтізбелік күн өткен соң қолданысқа енгізіледі.
