Не болды?
Шымбұлақта қарашаға дейін үш аспалы жол жабылады. Бұл туралы тау-шаңғы курортының әкімшілігі хабарлап отыр.
Мәлімет
Шаңғы маусымына дайындық аясында төтенше жағдайлардың алдын алу жұмыстары жүргізіледі.
Профилактика – жұмысымыздағы маңызды процесс. Біз маусым сайын екі рет алдын алу шараларын жасау үшін жабыламыз. Ақауларды анықтап, жөндейміз, қажет бөлшектерді ауыстырамыз, арқан жолдарды тексереміз, – делінген хабарламада.
Аспалы жолдарды жөндеу кестесі:
-
«Медеу – Шымбұлақ» – 6 қазаннан 17 қазанға дейін;
-
«Комби-1» – 6 қазаннан 1 қарашаға дейін;
-
«Комби-2» – 15 қыркүйектен 1 қарашаға дейін.
Ал ККД-4 қалыпты режимде сағат 9:30-дан 17:30-ға дейін жұмыс істейді.
Контекст
Естеріңізге сала кетейік, 10 қыркүйек күні «Шымбұлақ» тау курортында «Комби-2» арқан жолының қозғалысы техникалық ақауларға байланысты тоқтады. Кабиналарда көтеріліп бара жатқан қонақтар 14:54-те толық эвакуацияланды.
