«Қазидромет» РМК синоптиктері 23-25 қаңтар аралығына арналған ауа райы болжамын жариялады.
Алдағы үш күнде республиканың бүкіл батыс жартысына Батыс антициклон әсер етеді. Салдарынан жауын-шашынсыз аязды ауа райы сақталады.
Ал елдің қалған аймақтары оңтүстік циклон және соған байланысты атмосфералық фронттар ықпалында болады. Сондықтан қар аралас жаңбыр жауады. Көктайғақ, тұман және боран соғып, жел күшейеді.
Түнде елдің батысында ауа температурасы — 22-30 аязға дейін, солтүстік-батыста — 20-30 аязға дейін, солтүстікте, орталықта және шығыста — 7-18 аязға дейін әлсірейді.
Оңтүстікте -5 пен +5 арасында болады, оңтүстік-шығыста температура 0-10 градус аязға дейін көтеріледі.
