Бұл туралы Ақорданың баспасөз қызметі мәлімдеді.
Қасым-Жомарт Тоқаев Ижевск қаласындағы мектепке жасалған шабуыл салдарынан адамдар қаза табуына байланысты көңіл айтты.
«Ресейдің Ижевск қаласындағы 88-мектепке жасалған қарулы шабуыл салдарынан азаматтардың, соның ішінде балалардың қаза табуы туралы қайғылы хабарды ауыр күйзеліспен қабылдадым. Орны толмас қайғыға ортақтаса отырып, сізге және қайтыс болғандардың туған-туыстары мен жақындарына көңіл айтамын. Зардап шеккендердің тезірек сауығып кетуіне тілектестік білдіремін», — деп жазылған жеделхатта.
Айта кетейік, Ресейдің Ижевск қаласында белгісіз біреу мектепте атыс шығарып, адамдар қаза тапқан.
