Облыстық Полиция департаменті баспасөз қызметінің жетекшісі Ерболат Сарқұлов Ақтөбе қаласының 32 жастағы тұрғыны қаладан Шұбарқұдық ауылына қарай бағыт алғанын және «ВАЗ-2110» көлігінің жүргізушісі рульді басқара алмай, қозғалыс бағыты бойынша оң жағына аударылып қалғанын айтты.
Жол-көлік оқиғасы салдарынан көлік жүргізушісі мен жолаушы алған дене жарақатынан көз жұмды. Сот-медициналық және автотехникалық сараптамалар тағайындалды. Қылмыстық кодекстің «Абайсызда екі немесе одан да көп адамның өліміне әкеп соққан ЖҚЕ бұзу» бабы бойынша сотқа дейінгі тергеу басталды», деді ол.
