«Қазгидрометтің» хабарлауынша, 5 желтоқсанда республиканың басым бөлігі антициклон ықпалында болады, соған байланысты күн жауын-шашынсыз әрі аязды болады. Солтүстік аудандарда қар жауып, оңтүстік-шығыста жел соғады. Өңірлерде тұман түсіп, батыста көктайғақ болады, солтүстікте жаяу бұрқасын соғады.
Алматы облысының кей жерлерінде түнде тұман түседі, Жалаңашкөл көлі ауданында 15-20 м/с жел соғады. Солтүстік Қазақстан облысында тұман түседі, жаяу бұрқасын соғады, көктайғақ болады.
Жамбыл, Түркістан облыстарында да тұман түсіп, 15-20 м/с жел соғады. Ақмола, Батыс Қазақстан, Қостанай, Павлодар, Қарағанды, Шығыс Қазақстан облыстарының кей жерлерінде де тұман болуы ықтимал. Түркістан облысында тұманға байланысты ескерту жарияланды.
