Ислам Кәрімов

“Қатты өкініш білдіре отырып, біздің президентіміздің өткен тәулікте жағдайы тым нашарлап кеткенін хабарлаймыз. Дәрігерлер денсаулығы өте ауыр халде деп бағалап отыр”, – делінген Өзбекстан министрлер кабинетінің хабарламасында.

Бұған дейін Өзбекстанның Бұқаралық Ақпарат Құралдарында өзбек басшысының қайтыс болғаны туралы ақпараттар екінші рет қайтара жарияланып, тіпті жерлеу рәсіміне дайындық барысынан суреттер де жарияланған болатын.

Естеріңізге сала кетейік, 78 жастағы Өзбекстан президенті Ислам Кәрімовтің миына қан құйылып, ауруханаға түскен болатын. Күні кеше БАҚ-тарда оның мезгілсіз қайтыс болғаны туралы ақпарат тарады. Президенттің туыстары мұны теріске шығарғанымен, Өзбекстандағы «Ферғана» басылымының редакторы жазылған ақпаратты растайтын сенімді дереккөздері бар екендігін айтқан. Сондай-ақ, ауруханада жатқан Кәрімовты халыққа көрсетуді талап еткен еді.

Пікір қосу

Қалдыратын пікіріңізді осында жазыңыз!
Есіміңізді жазыңыз!