Қазақ қызды қонақ деп, төрінен орын беріп, қадірлеп өскен халық. Нәзік жандарды келешек ана, ақ босағаның аруы, шаңырақтың құт-берекесі деп сыйлаған.
Қазіргі қоғамда қыз бала туса, ренжіп, көңіл бөлмей жататын жағдайлар жиі кездесіп жатады. Алайда қыз бала туғанда ренжу, әсіресе анасын айыптау – үлкен қате. Халық арасында «Жетелі қыз жеті ұлға татиды» деген де сөз бар.
Қазақ қоғамындағы басты байлық адам болса, ақылды да иманды, парасатты да тəрбиелі қыздар – ортаймайтын ең құнды қазына. «Қоғамды тəрбиелеймін десең, қызыңды тəрбиеле» деген қағиданың мəні қаншалықты терең болса, мазмұны соншалықты салмақты.
Қыз – жайқалған гүл. Қалай баптасаң, сондай болып өседі. Қыздың бойында ұят, намыс, инабат, адамгершілік, ұяңдық болуы тиіс. Қазақ ықылым заманнан қыз баласын намысым, арым, ұятым деп қадірлеген.
Материалды Алматы қаласы Дін істері жөніндегі басқармасының тапсырысымен “Қазақ интернеті” қоғамдық бірлестігі дайындаған.
